os shaam voh ruKhsat ka samaaN yaad rahey ga
voh shehar voh koocha voh makaaN yaad rahey ga

voh Tees ke ubhree thee idhar yaad rahey gee
voh dard ke uTha tha yahan yaad rahey ga

hum shauq ke shooley ki lapak bhool jaiN gaiN
shama'-e-fasrada ka dhuvaaN yaad rahey ga

kuch "meer" ke abyaat thai, kuch "faiz" ke misrey
ik dard ka tha jin maiN bayaaN yaad rahey ga

jaaN baKhsh si thee os gul_burg ki taravaT
voh lams-e-aziz-e-doo_jahaaN yaad rahey ga

hum bhool sakey haiN na tujhey bool sakaiN gaiN
tu yaad rahey ga humaiN haaN yaad rahey ga