yeh jo raig-e-dasht-e-firaq hai
yeh jo raig-e-dasht-e-firaq hai yeh rukey agar
yeh rukey agar to nishaaN miley, yeh nishaaN miley
ke jo faslooN ki saleeb hai
yeh gad.ree hoi hai kahaN kahaN
mere aasmaaN se kidhar mud.r gai teri iltifaat ki kehkashaan
mere bai_Khabar, mere bai_nishaN
yeh rukey agar to pata chaley
maiN tha kis nagar tu raha kahaN!
ke zaamaan-o-makaaN ki vusa'taiN
tujhey dekhney ko taras gaiN
voh mere naseeb ki baarishaiN kisi aur ki chaht par baras gaiN
mere chaar_soo hai ghubar-e-jaaN, voh fishaar-e-jaaN
ke Khabar nahi mere haath ko mirey haath ki
mere Khuvaab se tere baam tak
teri reh_guzar ka to zikr kia
nahi zoo_fishaaN tera naam tak
haiN dhuvaaN dhuvaaN mere istakhuvaaN
mere ansooN main bujhey hoey mere istakhuvaaN
mere naqsh_gur, mere naqsh-e-jaaN
isi raig-e-dasht-e-firaq maiN rahey muntazir, tere muntazir
mere Khuvaab jin ke fishaar maiN
rahee mere haal se bai_Khabar
teri reh_guzar,
teri reh_guzar ke jo naqsh haiN mere haath par
magar is bala ki hai teergee ke
Khabar nahi mere haath ko mere haath ki
voh jo chashm-e-shoobada_saaz thee, voh uThey agar
mere istakhuvaaN maiN ho rooshni
isi ek lahma-e-deed maiN teri reh_guzar
meri teerah-e-jaaN maiN chamak uThey
mere khuvaab se tere baam tak
sabhi manzarooN maiN damak uThey
osi ek pak maiN ho javidaaN
miri ik arzoo ke hai bai_karaaN
miri zindagi ke hai muKhtasir
jo raig-e-dasht-e-firaq hai yeh rukey agar.....!
Linear Mode
