Saqi Ki Har Nigah Pay Bal Kha K P Gaya
Lehroon Say Khailta Hoa Lehra K P Gaya
Ey Rehmat E Tamaam Meri Har Khata Muaf
Mein Intiha E ShouqSay Ghabra K P Gaya

Peta Baghair Ism Yeah Kab Meri Majaal
Dar Pardah Shashm E Yaad Ki Shay Pa K P Gaya

Paas Rehta Hai Duur Rehta Hai
Koi Dil Mein Zaroor Rehta Hai
Jab Say Dekha Hai Un Ki Aankhon Ko
Halka Halka Suroor Rehta Hai

Aisay Rehtay Hein Koi Meray Dil Mein
Jaisay Zulmat Mein Noor Rehta Hai
Ub Adam Ka Yeah Haal Hai Har Waqt
Mast Rehta Hai Toor Rehta Hai

Yeah Joh Halka Halka Saroor Hai
Yeah Teri Nazar Ka Qasoor Hai
K Sharab Peena Sikha Diya
Tairay Pyar Nai, Teri Chaah Nai
Teri Behki Behki Nigaah Nai
Mujhay Ik Sharabi Bana Diya…

Sharab Kaisi
Khumaar Kaisa
Yeah Sub Tumhari Nawazishein Hein
Pilai Hai Kiss Nazar Say Tu Nai
K Mujhko Apni Khabar Nahi Hai
Teri Behki Behki Nigah Nai
Mujhe Ik Sharabi Bana Dia....

Sara Jahan Must, Jahan Ka Nizam Must
Din Must, Raat Must, Saher Must, Shaam Must
Dil Must, Sheesha Must, Sabu Must, Jaam Must
Hai Teri Chashm E Must Say Her Khaas O Aam Must
Yoon To Saqi Her Tara Ki Tairay MaiKhanay Mein Hai
Woh Bhi Thori Si Jo In Aankhon K Paimanay Mein Hai
Sub Samajhta Hoon Teri Ishwa-Kari Ay Saqi
Kaam Karti Hai Nazar Naam Hai Paimanay Ka
Teri Behki Behki Nigah Nai
Mujhay Ik Sharabi Bana Diya...

Tera Pyar Hai Meri Zindagi
Tera Pyar Hai Meri Bandagi
Tera Pyar Hai Bas Meri Zindagi
Na Namaz Aati Hai Mujhko Na Wazoo Aata Hai
Sajda Kar Leta Hoon Jab Saamnay Tu Aata Hai
Bus Meri Zindagi Tera Pyar Hai....

Mai Azal Say Banda E Ishq Hoon
Mujhe Zohd O Kufr Ka Gham Nahin
Mere Sir Ko Dar Tera Mil Gaya
Mujhe Ab Talash E Haram Nahi
Meri Bandagi Hai Wo Bandagi
Jo Muqeed E Dair O Haram Nahi
Mera Ik Nazar Tumhein Dekhna Ba Khuda Namaz Se Kam Nahi
Bus Meri Zindagi Tera Pyar Hai...

Tera Naam Loon Zubaan Say, Tairay Aagay Sir Jhuka Doon
Mera Ishq Keh Raha Hai, Mein Tujhay Khuda Bana Doon

Tera Naam Mairay Lub Per, Mera Tazkara Hai Jug Pur
Mujhay Bhool Ja'ay Dunya, Mein Agar Tujhay Bhula Doon

Mairay Dil Mein Bus Raha Hein, Tera Bepanah Jalwa
Na Ho Jiss Mein Noor Tera, Woh Charagh Hi Bujha Doon


Ki Pucha Ki Kis Tarah Hoti Hai Baarish
Jabeen (Forehead) Se Paseenay Ki Boondein Gira Di
Jo Pucha Kasiey Girti Hai Bijli
Nigahein Milaein Mila Kar Jhuka Dein
Jo Pucha, Shab-O-Roz Miltey Hain Kaisey
To Chehrey Pe Apney Wo Zulfein Hata Deein
Jo Pucha Ki Nagmon Mein Jaadu Hai Kaisa
To Meethey Takallum Mein Baatein Suna Deein
Jo Apni Tamanaon Ka Haal Pucha
To Jalti Hui Chand Shamein Bhujha Deein


Main Kehta Reh Gaya Khata E Mohabbat Ki Achi Saza Di
Mere Dil Ki Dunya Bana Kar Mita Di Acha!
Mere Baad Kisko Satao Gay
Mujhe Kis Tarah Se Mitao Gay
Kahan Ja Ke Teer Chalao Gay
Meri Dosti Ki Balaein Lo
Mujhe Haath Utha Kar Duaein Do

Tumhein Ek Qatil Bana Diya
Mujhe Daikho Khuwahish E Jan E Jaan
Main Wohi Hoon Anwar E Nim Jaan
Tumhain Itna Hosh Tha Jub Kahan
Na Chalao Is Tarah Tum Zaban
Karo Mera Shukriya Meherban
Tumhein Baat Karna Sikha Diya...

Yeh Jo Halka Halka Saroor Hay
Yeh Teri Nazar Ka Kasoor Hay
Kay Sharab Peena Sikha Diya