Jeene Ke Liye Waqt Nahin
JEENE KE LIYE WAQT NAHIN
Har khushi hai logon ke daman mein,
Par ek hansi ke liye waqt nahin.
Din raat daudti duniya mein,
Zindagi ke liye hi waqt nahin.
Maa ki loree ka ehsaas to hai,
Par maa ko maa kehne ka waqt nahin.
Saare rishton ko to hum maar chuke,
Ab unhen dafnane ka bhi waqt nahin.
Saare naam mobile mein hain,
Par dosti ke liye waqt nahin.
Gairon ki kya baat karen,
Jab apno ke liye hi waqt nahin.
Aankhon me hai neend badee,
Par sone ka waqt nahin.
Dil hai ghamon se bhara hua,
Par rone ka bhi waqt nahin.
Paison ki daud me aise daude,
Ki thakne ka bhi waqt nahin.
Paraye ehsason ki kya kadr karein,
Jab apne sapno ke liye hi waqt nahin.
Tu hi bata E zindagi,Iss zindagi ka kya hoga,
Ki har pal marne walon ko, Jeene ke liye bhi waqt nahin.......
Last edited by Cyborg; 04-11-2007 at 01:06 PM.
|
Linear Mode
